«Տեղեկատվական հաղորդման առարկությունների բաժնին ծանոթանալիս կարծիք է ձեւավորվում, թե փաստահավաք խմբի զեկույցներում ամեն ինչ միտումնավոր խեղաթյուրված եւ խեղված է. թե սպանությունների փաստական հանգամանքները, թե փորձաքննությունների եզրակացությունների ելակետային տվյալներն ու հետեւությունները, թե փաստահավաք խումբ հրավիրված բարձրաստիճան ոստիկանների ու բանակի սպաների, փորձագետ մասնագետների, քննչական խմբի անդամ քննիչների բացատրությունները: Ինչպես երեւում է նյութի շարադրանքից՝ փաստահավաք խմբում ներկայացված պարզաբանումներն ու բացատրությունները տված այդ անձինք ՀՔԾ-ում միաբերան հրաժարվել են իրենց տված բացատրություններից, դժգոհել են, թե իրենց սխալ են հասկացել, իրենք նման բան չեն ասել, այլ բան է արձանագրվել, իրենց վրա ճնշել են եւ այլն: Մնում է ցավ ապրել մեր բանակի ու ոստիկանության գնդապետերի ու գեներալների թուլակամության եւ անսկզբունքայնության համար»,- ասված է Հայ ազգային կոնգրեսի պետաիրավական հանձնախմբի դիտարկումներում, որոնք գնահատական են ՀՔԾ Տեղեկատվական հաղորդմանը:
Այս առիթով ՀԱԿ պետաիրավական հանձնախմբի ղեկավար Գագիկ Ջհանգիրյանի ասուլիսը դեռ ընթանում է:
Նելլի ԳՐԻԳՈՐՅԱՆ
