Տնտեսեագիտական խորհրդատվությամբ զբաղվող ավստրալական Deloitte-Access Economics-ը, որը նաեւ Ավստրալիայի կառավարության խորհրդատուն է, իր հետազոտությունների արդյունքում հայտարարել է, որ եվրոզոնայում գտնվող երկրների ֆինանսական ճգնաժամը, ռեցեսիայի աճը եւ բանկային համակարգի անկայունությունը կհանգեցնի «եվրոգեդոնի»: Այս մասին հաղորդել է Agence France-Presse գործակալությունը:
Ավստրալացի տնտեսագետների ետազոտության մեջ նշված է, որ «եվրոգեդոնը» գուցե այնքան ուժեղ չլինի, որքան 2008-09 թվականների ֆինանսական ճգնաժամը, սակայն կխորանա՝ կառավարությունների կողմից ոչ պատշաճ ուշադրության պատճառով:
Եվրոյի ճակատագիրը Deloitte-Access Economics-ը համարել է 2012 թվականի ընթացքում լուծում պահանջող գլխավոր հարցը: Խմբի փորձագետների կարծիքով այս տարի ճգնաժամային երեւույթների պատճառով կտրուկ կընկնի կենցաղային ապրանքների, էներգոռեսուրսների եւ բնական հումքի, այդ թվում՝ ածուխի եւ մետաղի, պահանջարկը: Եվրոպական տնտեսության հետընթացի պատճառով, ըստ փորձագետների, կտուժի հատկապես Չինաստանը, որի արտադրած ապրանքների պահանջարկի անկումը կբերի բնակչության եկամուտների եւ պետական բյուջեի նվազման:
«Եվրոգեդոն» բառը, որ գործածության մեջ մտավ անցյալ տարեվերջին՝ ֆինանսական մեդիայում եւ բլոգներում, օգտագործվում է որպես մի արտահայտություն, որը նկարագրում է եվրոյի՝ որպես դրական միավորի, կործանումը կամ եվրոզոնայի երկրների այն աստիճանի ուժեղ ռեցեսիան, որը կարող է հանգեցնել անգամ այլ երկրներում տնտեսության աճի տեմպերի ուժեղ անկման:
