Այսօր` հունվարի 22-ին, ավտովթար է տեղի ունեցել Երևանում:
Ինչպես դեպքի վայրից Aravot.am-ին հայտնում է ֆոտոլրագրող Գագիկ Շամշյանը, ժամը 17.30-ի սահմաններում Երևանի Բաբաջանյան փողոցում Սթար սուպերմարկետի դիմաց իրար են բախվել «Մերսեդես S-420» մակնիշի 70 ՍԼ 909 համարանիշի «Մերսեդես E-230» մակնիշի 26 ՏԼ 702 համարանիշի և «Մերսեդես S-320» մակնիշի 14 ՕՍ 007 համարանիշի ավտոմեքենաները: Վթարի հետևանքով բարեբախտաբար զոհեր և վիրավորներ չկան:
Դեպքի վայր են ժամանել Երևանի ճանապարհային ոստիկանության 1-ին սպայական գումարտակի աշխատակիցները` Լևոն Բադալյանի գլխավորությամբ: Ժամանել է նաև ճանապարհային ոստիկանության հետաքննչական բաժնի հետաքննիչ Գևորգ Խանաղյանը:
Փաստի առթիվ ՃՈ հետաքննչական բաժնում նյութեր են նախապատրաստվում: Ավտոմեքենաները վարել են Նարեկ Հարությունյանը, Կարեն Անտոնյանը և Տիգրան Փիրոյանը:
Կարդացեք նաև
