Շիրակի մարզի դատախազ Դավիթ Սարգսյանի հայրենի գյուղում` Արփենիում, ոսկու հանքարդյունաբերության նախկին մագնատ Վալերի Ռուդակովի անձնական միջոցներով վերանորոգվեց ու այսօր պաշտոնապես բացվեց գյուղի մշակույթի տունը: Մասնակիցների զարմանքը մեծ եղավ, երբ տեսան, որ ժապավենը կտրելու էր եկել ոչ թե Շիրակի ներկայիս մարզպետ Աշոտ Գիզիրյանը, այլև նախկին մարզպետը`Լիդա Նանյանը:
Պարզվում է` տիկին Նանյանը Ռուդակովի կամ որ ավելի ճիշտ է «Շիրակ» բարեգործական հիմնադրամի ղեկավարն է, որն աննկարագրելի մեծ գործեր է կատարում Հայաստանում: Երկրաշարժից հետո Վալերի Ռուդակովը Աշոցքի տարաշածաշրջանի մի քանի գյուղեր է վերանորոգել`Գոգհովիտը, Արփենին ու Թորոսգյուղը, տներ, այգիներ ու մշակույթի օջախներ է կառուցել, երաժշտական գործիքներ գնել: Թեև հիմա համեստ թոշակառու է, սակայն շարունակում է օգնել Հայաստանին:
Ի դեպ, նրա մայրը հայ է, հայրը, իր խոսքերով ասած` «մաքուր ռուս»: Բարերարին ներկայացնելիս` տիկին Նանյանն այնքան ոգևորվեց, որ մշակույթի տունը խնջույքի, հասանիքի, կնունքի ու ծնունդի օբյեկտ անվանեց: Ի դեպ, այս կառույցը 30 մլն դրամ է նստել Ռուդակովի ընտանիքի վրա: Լիդա Նանյանի ասելով, ռուս միլիարդատերը տարեկան այդքան գումար հատկացնում է Հայաստանին: Նշենք, որ ամենատպավորիչը հրաժեշտի պահն էր. ռուս բարերարը տուփով փողեր բաժանեց գյուղի երեխաներին, որոնցից յուրաքանչյուրին բաժին հասավ` 100 դոլարանոց`այսպիսով անասելի ուրախություն պատճառելով ծնողներին:
Կարդացեք նաև
Նունե ԱՐԵՎՇԱՏՅԱՆ
