Երգչուհի Սյուզի Մելիքյանն այսօր հայտնվել է Anti-Qyart Movement of Armenia Facebook-յան խմբում:
Anti-Qyart Movement of Armenia –ն QYARTASHOWBIZ! «տիտղոս» է շնորհել երգչուհուն ու նրա 16 լուսանկարները հրապարակել խմբում, որոնք էլ տհաճ մեկնաբանությունների առիթ են հանդիսացել Facebook-ցիների շրջանում:
Նշեմ, որ խումբն իրեն թույլ է տալիս տարածել բոլոր այն մարդկանց լուսանկարները, որոնց համարում է «քյարթու»:
Հավելենք, որ լուսանկարները, որոնք հայտնվում են այս խմբում՝ տարբեր սոցիալական ցանցերից վերցվում են առանց դրանց տերերի թույլտվության:
Կարդացեք նաև
Առանց խտրականության ու տարիքային սահմանափակման՝ խմբում ծաղրուծանակի են ենթարկվում բոլորը: Մեկնաբանությունները, որոնք արվում են տեղադրվող լուսանկարներին` մեղմ ասած, վարկաբեկում են մարդկանց:
Հավելենք, որ խումբ «քյարթու» է դարձրել նաեւ ռաբիզ երգիչներ Սպիտակցի Հայկոյին, Թաթուլ Ավոյանին, Վլեին, Արտաշ Ասատրյանին, երգչուհի Օլգա Այվազյանին, Նանային:
Եվա ՀԱԿՈԲՅԱՆ
