Երևանի Կենտրոն, Նորք-Մարաշ վարչական շրջանների ընդհանուր իրավասության դատարանում քիչ առաջ ավարտվեց դռնփակ դատական նիստը:
Ինչպես հայտնում է ֆոտոլրագրող Գագիկ Շամշյանը՝ նշված դատարանում դատավոր Մխիթար Պապոյանի նախագահությամբ տեղի ունեցավ դռնփակ դատական նիստ եւ քննարկվում էր ՀՀ ոստիկանության քրեական հետախուզության գլխավոր վարչության նախկին պետ, ոստիկանության գեներալ-մայոր Հովհաննես Թամամյանի նկատմամբ որպես խափանման միջոց կալանքը ևս 2 ամսով երկարաձգելու հարցը:
Խորհրդակցական սենյակից վերադառնալուց հետո դատավոր Մ. Պապոյանը բավարարեց քննիչի միջնորդությունը և ևս 2 ամսով երկարացվեց Հովհաննես Թամամյանի խափանման միջոց կալանքը:
Դռնփակ դատական նիստը տեղի ունեցավ առանց Հովհաննես Թամամյանի մասնակցության:
