«ԲՀԿ ղեկավար Գագիկ Ծառուկյանի կողմից ՀՀ նախագահին նվիրած հովազի շղթան ամենեւին էլ ադամանդից չէ», –այս մասին Aravot.am-ի հետ զրույցում ասաց ԲՀԿ խմբակցության պատգամավոր Վարդան Բոստանջյանը:
Նրա խոսքերով. «Նվերի գների վերաբերյալ, թե մեկ էլ ադամանդակո՞ւռ է, թե՞՝ այլակուռ՝ ոչ մեկը էդ մասին փորձագիտական եզրակացություն չի տվել: Ո՞վ ա տենց բան շոշափել, ես եմ ընդեղ եղել, ո՞վ ա էդ փորձագետը, որ սովորական աչքով ադամանդ ա տեսել»:
Նա վստահեցրեց, որ անձամբ է նվիրատվությանը մասնակցել ու կուսակցության ղեկավարն արդեն երկրորդ նախագաhին է հանձնում «սիմվոլիկ» նվերը:
Մեր հարցին, թե պարոն Ծառուկյանը նախագահին հասարակ նվեր կտա՞ր, պարոն Բոստանջյանը պատասխանեց. «Երբեւիցե մեր հանրապետության նախագահները չեն եղել այնպիսին, որ նման վիճակներում նվերները համարեին հասարակ կամ հատուկ: Ծառուկյանը էն մարդը չէր, որպեսզի նման տիպերին, որոնք պատրաստ են միայն հիմար-հիմար խոսելու… նա 700 մարդկանց ներկայությամբ էդպիսի մի բան չէր անի, որը բերեր էսպիսի խոսակցությունների»:
Կարդացեք նաև
Արփինե ՍԻՄՈՆՅԱՆ
