Տեղեկացրել ենք, որ այսօր առավոտյան, Մարտունի քաղաքում գազի արտահոսքի հետեւանքով տեղի ունեցած պայթյունից, մարմնական վնասվածքներով Մարտունի քաղաքի բժշկական կենտրոն են տեղափոխվել Մարտունի քաղաքի բնակիչներ, 1964 թվականին ծնված Վանիկ Խաչատրյանը, նրա կինը՝ 1967 թվականին ծնված Սոնա Խաչատրյանը, եւ երեխաները` 1990 թվականին ծնված Նուշիկ Խաչատրյանը եւ 1995 թվականին ծնված Նարեկ Խաչատրյանը:
«Մարտունու բժշկական կենտրոնի» տնօրեն Եղիշե Հարեյանի խոսքով, այս պահին կայուն ծանր վիճակում են գտնվում Նուշիկ եւ Սոնա Խաչատրյանները, միջին ծանրության վիճակում` Նարեկ եւ Վանիկ Խաչատրյանները: Ընտանիքի չորս անդամներն էլ հիվանդանոց են տեղափոխվել 2-րդ եւ 3-րդ աստիճանի այրվածքներով: Վանիկ Խաչատրյանի ոտքն է կոտրվել:
