Դաշնակցության եւ «Ժառանգության» այսօր կազմակերպած համաժողովում, ՕԵԿ-ական պատգամավոր Հովհաննես Մարգարյանն իր ելույթում ամեն կերպ փորձում էր հիմնավորումներ բերել առ այն, որ այս՝ առաջիկա խորհրդարանական ընտրությունների ժամանակ մեծամասնական կարգի պահպանումը ճիշտ է, թեւե ինքն էլ նկատեց, որ իրենց խմբակցությունը միակն է ԱԺ-ում, որ մեծամասնականով ընտրված պատգամավորներ չունի: Հովհաննես Մարգարյանից հետո ՀՅԴ ներկայացուցիչ Վահան Հովհաննիսյանը հայտարարեց. «Նախորդ բանախոսի ելույթից ես հասկացա, որ ընտրակարգը կապ չունի ու իշխանությունն էլ ջանք չի խնայում, որպեսզի արդար ընտրություններ կազմակերպի: Ջանալ պետք չէ, ուղղակի պետք է ժամանակին ընդունել ընդդիմության առաջարկները՝ ընտրական կոդեքսի վերաբերյալ, որոնք պաշտպանվում են քաղաքական կուսակցությունների մեծամասնության կողմից»: Ի պատասխան, Հովհաննես Մարգարյանն ընդամենը խնդրեց, որ ելույթ ունեցողները չմեկնաբանեն այլոց ասածները:
Նելլի ԳՐԻԳՈՐՅԱՆ
