Ըստ ՀՀ տարածքային կառավարման նախարարության, Լոռու մարզկենտրոն Վանաձորը 2011 թվականին աչքի է ընկել երկրաշարժի հետեւանքով անօթեւանների համար 52 բնակարան կառուցելով եւ մաքուր քաղաք ապահովելով. «Բոլոր ոլորտներում կատարած աշխատանքներով Վանաձորը առաջին տեղերում է»,- ասում է Վանաձորի քաղաքապետ Սամվել Դարբինյանը:
2011-ը ճգնաժամային տարի էր, աշխատատեղերը քիչ էին, բայց Վանաձորում մարտ-ապրիլ ամիսներին շինարարությունում աշխատուժի պակաս կար: Քաղաքապետը գոհ է կառավարության տրամադրած միջոցներով կատարված շինարարական աշխատանքներից: Անցած տարի ՀՀ կառավարությունը 10 միլիարդ դրամ տրամադրեց մարզերում դպրոցներ, այլ կրթօջախներ, ճանապարհներ նորոգելու համար: Սրանից, բնականաբար բաժին է հասել նաեւ Վանաձորին: «2012-ը մեր քառամյա ծրագրի վերջին տարին է: Այն ծրագրերը որոնց դեռեւս չենք անդրադարձել, այս տարի պետք է հասցնենք», ասում է Վանաձորի քաղաքապետը:
Իսկ բացեր կան՝ ամրացման ենթակա 84 շենքերի խնդիրը եւ տնակային ավաններում բնակվողների բազմաթիվ խնդիրները:
Սամվել Դարբինյանը գոհ է քաղաքապետարանի աշխատանքից եւ ՏԻՄ առաջիկա ընտրությանը մտադիր չէ քաղաքապետի աթոռը զիջել որևէ մեկին. «Ինչի՞, վա՞տ եմ ղեկավարում, որ չընտրվեմ»,- ասում է Վանաձորի քաղաքապետ Սամվել Դարբինյանը:
Կարդացեք նաև
Նելլի ԴԱՎԹՅԱՆ
