ԱՊՀ երկրների երիտասարդական միության վարչության խորհուրդը որոշել է փետրվարի 2-ից Հայաստանում բացել «Պուտին» ակումբը: Նպատակը՝ «ՌԴ վարչապետ, նախագահի թեկնածու Վլադիմիր Վլադիմիրովիչ Պուտինի՝ հայ-ռուսական հարաբերությունների վերաբերյալ գաղափարների մասսայականացում… «Պուտին» ակումբը կգործի Հայաստանում՝ Ռուսական գրքի տներում։ Ինչպես նշված է տարածված հաղորդագրության մեջ, ակումբներում հնարավորություն կլինի ծանոթանալ Պուտինի վերաբերյալ գրականությանը, վավերագական ֆիլմեր դիտել նրա մասին եւ քննարկել Պուտինի գաղափարներն ու ծրագրերը։ Իմացա՞ք…
Սկզբունքորեն Պուտինի դեմ մենք ոչինչ չունենք, բայց նրա թեկնածությունը պաշտպանելու խնդիր էլ չունենք, կարծես։ Պուտինին ռուս ժողովուրդը պետք է ընտրի, եթե ընտրի, եւ ոչ թե մենք, որ այսպես ափալ-թափալ ՌԴ նախագահի թեկնածուի նախընտրական շտաբներ ենք ստեղծում։ Հետաքրքիր է իմանալ՝ ո՞վ է թույլ տվել ինչ-որ մեկին՝ որոշում կայացնել Հայաստանը ռուսական ներքաղաքական խնդիրների մեջ ներքաշելու մասին։ Մենք ի՞նչ կապ ունենք։ Նաեւ մի անկարեւոր հարց այդ միության հայ ակտիվիստներին՝ իսկ դուք պատրաստվո՞ւմ եք Մոսկվայում «Սերժ Սարգսյան» կամ մեկ այլ թեկնածուի անունով կլուբ բացել, թե՞ «գուբերնիան» այդ իրավունքները չունի։
«Երկիր»
