Լրատվամիջոցներով տեղեկություններ են տարածվել, որ ստեղծվում է «Պանարմենիան Մեդիա» կոչվող հոլդինգ, որի կազմում են մասնավորապես «Արմենիա», «Արմնյուզ» եւ «Ա-ԹիՎի» հեռուստաալիքները:
Այսպիսով, փաստորեն, թեեւ անուղղակի, բայց նաեւ հաստատվում է վաղուց հայտնի այն իրողությունը, որ վերոնշյալ հեռուստաընկերությունները պատկանում են մեկ սեփականատիրոջ:
«Առավոտն» այս առնչությամբ հունվարի 16-ին դիմել էր ՀՌԱՀ-ին՝ խնդրելով պարզաբանել, թե արդյոք չե՞ն գտնում, որ նման միավորմամբ խախտվել է «Հեռուստատեսության եւ ռադիոյի մասին» ՀՀ օրենքի 18-րդ («Հակամենաշնորհային երաշխիք») հոդվածը. որով սահմանվում է
«1. Իրավաբանական անձինք կարող են ունենալ եթերային հեռարձակում իրականացնող ոչ ավելի, քան մեկ հեռուստաընկերության եւ մեկ ռադիոընկերության լիցենզիա:
Կարդացեք նաև
2. Ֆիզիկական անձինք եւ նրանց հետ փոխկապակցված անձինք կարող են դառնալ ոչ ավելի, քան եթերային հեռարձակում իրականացնող լիցենզավորված երկու անձի (մեկ հեռուստաընկերության եւ մեկ ռադիոընկերության) հիմնադիր եւ (կամ) մասնակից»:
ՀՌԱՀ-ից այսօր պատասխանել են. «Ձեր կողմից նշված հեռուստաընկերությունները ինքնուրույն իրավական կազմակերպություններ են և միավորված չեն որևէ հոլդինգի կազմում»:
