ՀՀ զինված ուժերում 2011 թվականի ընթացքում արձանագրվել է մահվան ելքով դեպքերի կտրուկ նվազում: Այսօր ՀՀ Զինվորական դատախազությունում լրագրողների հետ հանդիպման ժամանակ ասաց ՀՀ գլխավոր դատախազի տեղակալ, ՀՀ զինվորական դատախազ Գեւորգ Կոստանյանը: Նրա փոխանցմամբ, 2011 թվականի ընթացքում մահվան ելքով 36 դեպք է գրանցվել` 2010 թվականի ընթացքում 54-ի դիմաց:
ՀՀ զինված ուժերում արձանագրված՝ զինվորական ծառայությունն անցնելու հետ կապված մահվան ելքով դեպքերը 2011 թվականին 33%-ով նվազել են: Ըստ Գ. Կոստանյանի, անցած տարի գրանցվել է ծառայություն անցնելու հետ կապված սպանության երկու դեպք, նախորդ 2010 թվականին սպանության 17 դեպքի համեմատությամբ: Այս ցուցանիշը նվազել է շուրջ 80.8%-ով:
«Ցավոք սրտի ականատես ենք եղել այնպիսի դեպքերի, որ տարածվել է բացարձակ ապատեղեկատվություն, բայց, ցավոք, հասարակության մեջ լայն արձագանք է ունենում եւ ընկալվում որպես փաստ»,- ասաց նա` հավելելով, թե իրենց համար ամեն զինվորի մահ մեծ ցավ է:
Անդրադառնալով մահացած զինվորների ծնողների` գործերի նախաքննությունների վերաբերյալ բողոքներին, Գ. Կոստանյանն ասաց, թե չբացահատված դեպք չունեն. «Մեզ համար շատ դժվար է այդ բողոքներին անդրադառնալ էմոցիոնալ: Մասնագիտական տեսակետից պատրաստ ենք քննարկել զանգվածային լրատվամիջոցների հետ: Այդ քննարկումները մասնագիտացված կերպով քննարկել ենք եւ պատրաստ ենք քննարկել: Մարդիկ ավելի շատ սովոր են հասարակական բողոքի դուրս գալ, քան մասնագիտատական դաշտում եւ ձեւաչափով հանդիպման գնալ»:
Կարդացեք նաև
Տեսանյութը` շուտով
