ՀՀ տրանսպորտի եւ կապի նախարարությունը տեղեկացնում է, որ այս առավոտ, ի տարբերություն նախորդ չորս օրերի, Սելիմի լեռնանցքը փակ չէ, բաց է, բայց՝ դժվարանցանելի՝ այնտեղ մերկասառույց կա: Սառցապատ են նաեւ Գյումրի-Ջաջուռ ճանապարհի որոշ հատվածներ եւ Կոտայքի մարզի որոշ ճանապարհներ: Տեղացած առատ ձյան պատճառով, դժվարանցանելի են Սևան-Դիլիջան, Նոյեմբերյան-Ոսկեպար, Վանաձոր-Սպիտակ, Վանաձոր-Դիլիջան, Վանաձոր-Ստեփանավան ավտոճանապարհները:
Իսկ ընդհանրապես հանրապետության միջպետական , հանրապետական բոլոր ճանապարհներն ու լեռնանցքները երթևեկելի են:
