Հունվարի 24-ին Երևանի Կենտրոն, Նորք–Մարաշ վարչական շրջանների ընդհանուր իրավասության դատարանում սկսվելու դերասանուհի Անժելա Սարգսյանի գործով դատական նիստը։
Ինչպես «Առավոտին» հայտնում է ֆոտոլրագրող Գագիկ Շամշյանը, նշված դատարանի դատավոր Մխիթար Պապոյանի նախագահությամբ կկայանա Կարեն Արեյանի գործի քննությունը: Հիշեցնենք, որ դերասանուհու պոռնոգրաֆիկ բնույթի լուսանկարները հենց Կարեն Արայանը` հանցագործ աշխարհում հայտնի նախկին «օրենքով գող» Շուրիկի տղան էր գցել համացանց: Արայանի նկատմամբ քրեական գործ էր հարցուվել ՀՀ Քրեական օրենսգրքի 144 հոդվածի (անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը) և 263 հոդվածի (պոռնոգրաֆիկ նյութեր կամ առարկաներ ապօրինի տարածելը) հատկանիշներով, նրա նկատմամբ խափանման միջոց էր ընտրվել կալանքը, եւ նա այժմ էլ գտնվում է «Նուբարաշեն» քրեակատարողական հիմնարկում։
