Գերծանր քաշային բռնցքամարտիկներ, WBC վարկածով աշխարհի չեմպիոն Վլադիմիր Կլիչկոն եւ տիտղոսի հավակնորդ Դերեկ Չիսորան փետրվարի 18-ին Մյունխենում կայանալիք մենամարտից առաջ «BoxNation» հեռուստաալիքի եթերում կազմակերպված հարցազրույցում հանդես են եկել փոխադարձ սպառնալիքներով ու մեղադրանքներով:
Մասնավորապես, անգլիացին Կլիչկոյին մեղադրել է խթանիչներ օգտագործելու մեջ: «Ի տարբերություն քեզ, ես արգելված դեղամիջոցներ չեմ ընդունում եւ ուզում եմ ռինգը մաքրել դոպինգ օգտագործող բռնցքամարտիկներից», – հայտարարել է Չիսորան, որին, ինչպես երեւում է, ուկրաինացին հիմնավորված հակափաստարկ չի կարողացել ներկայացնել:
Հիշեցնենք, որ Կլիչկո ավագն արդեն մեկ անգամ բռնվել է դոպինգ օգտագործելու մեջ: Նա 1996 թվականին, երբ դեռ հանդես էր գալիս սիրողական բռնցքամարտում, չի անցել դոպին թեստը, որի պատճառով չի մեկնել Ատլանտայի ամառային օլիմպիական խաղեր: Այն ժամանակ նրան փոխարինել էր եղբայրը՝ Վիտալի Կլիչկոն:
Աշոտ ՀԱԿՈԲՅԱՆ
