Արդեն քանի օր է, Վերին Լարսի անցակետը կրկին ընդհատումներով է գործում: Այսօր առավոտյան ժամը 10.30-ի դրությամբ վրաց-ռուսական սահմանի անցակետում իրավիճակը չի փոխվել:
Վրաստանի ճանապարհային դեպարտամենտից ստացված տեղեկատվության համաձայն, Մցխեթա-Ստեփանծմինդա-Լարսի ճանապարհի Գուդաուրի -Կոբի եւ Ստեփանծմինդա-Լարսի հատվածներում առկա է ձյան հոսքերի վտանգ, ուստի երթեւեկությունը արգելված է բոլոր տեսակի մեքենաների համար:
ՀՀ տրանսպորտի եւ կապի նախարարության կայքէջի տեղեկատվության համաձայն՝ առատ ձյան տեղումների պատճառով, նույն ճանապարհի Պասանաուրի-Գուդաուրի եւ Կոբի-Ստեփանծմինդա հատվածներում երթեւեկությունը արգելված է տրեյլերների, կիսատրեյլերների եւ 30-ից ավելի նստատեղ ունեցող ավտոմեքենաների համար: Ըստ նույն աղբյուրի՝ այլ մեքենաների համար երթեւեկությունը թույլատրվում է հակատեղապտույտային շղթաների առկայության դեպքում:
2 տանող կամրջակներով մեքենաների համար երթևեկությունը բաց է:
Ճանապարհի այլ հատվածները ամբողջապես երթեւեկելի են:
