Այսօր` հունվարի 13-ին, ավտովթար է տեղի ունեցել Արարատի մարզում:
Ինչպես aravot.am-ին դեպքի վայրից հայտնում է ֆոտոլրագրող Գագիկ Շամշյանը, ժամը 20.30-ի սահմաններում, Երևան-Երասխ ավտոճանապարհի 51-րդ կմ-ի հատվածում Արարատի մարզի Արարատ գյուղի Հաղթանակ փողոցի խաչմերուկում իրար են բախվել «ԳԱԶ 3110» մակնիշի 10 ՕԼ 216 համարանիշի, «ԳԱԶ 322142» մակնիշի 9775Լ համարանիշի և «ԶԻԼ» մակնիշի 54 ԼՕ 180 համարանիշի ավտոմեքենաները: Բարեբախտաբար, զոհեր և վիրավորներ չկան:
Դեպքի վայր են ժամանել ճանաապարհային ոստիկանության 2-րդ սպայական գումարտակի 1-ին վաշտի աշխատակիցները` հետաքննիչ Հայկ Սուքիասյանի գլխավորությամբ: Այս պահին ոստիկանության աշխատակիցները փորձում են ճշտել վարորդների ինքնությունը:
Լուսանկարները՝ Գագիկ Շամշյանի
Կարդացեք նաև
