Թուրքիայի խորհրդարանի նախագահ Ջեմիլ Չիչեքը այսօր նամակ է հղել Ֆրանսիայի Սենատի նախագահ Ժան-Պիեռ Բելին` Հայոց ցեղասպանության ժխտման համար քրեական պատիժ սահմանող օրինագծի կապակցությամբ։
Ինչպես փոխանցում է ադրբեջանական «Թրենդ» լրատվական գործակալությունը` վկայակոչելով թուրքական Zaman պարբերականի հաղորդագրությունը, Չիչեքը նամակում գրել է, թե Թուրքիայի համար դժվար է հասկանալ Ֆրանսիայի դիրքորոշումը, որը «կատարում է Հայաստանի դրոշակակրի դերը»։
Թուրքիայի խորհրդարանի նախագահը նշում է, թե Ֆրանսիայի Ազգային ժողովի կողմից տվյալ օրինագծի ընդունմամբ ֆրանս – թուրքական հարաբերությունները ճգնաժամ ապրեցին, որը կարող է խորանալ Սենատի կողմից նախագծի հաստատման դեպքում։
Օրինագծի ընդունումը, ըստ Չիչեքի, բացասական ազդեցություն կունենա նաեւ հայ – թուրքական հարաբերությունների կարգավորման վրա։
Կարդացեք նաև
Թուրքական խորհրդարանի խոսնակը հույս է հայտնել, որ Ֆրանսիայի խորհրդարանի վերին պալատը չի ընդունի «երկրում խոսքի ազատությունը սահմանափակող» օրենքի նախագիծը։
Հայոց ցեղասպանության ժխտման համար քրեական պատիժ սահմանող օրինագծի քննարկումը Ֆրանսիայի Սենատում նախատեսված է հունվարի 23-ին։
Ազատություն Ռադիոկայան
