Կապանում լուրեր են շրջանառվում, որ օրերս ինքնասպանության փորձ արած քաջարանցի զույգը ամենեւին էլ ֆինանսական ծանր կացությունից դրդված չի գնացել այդ քայլին:
Ըստ լուրերի` աղջկա եւ տղայի ծնողները դեմ էին նրանց հարաբերություններին, ուստի նրանք ինքնավնասման փորձ են արել:
Կապանում այլ վարկածներ էլ են շրջանառվում, որ կապ չունեն ոչ ծնողների դեմ լինելու, ոչ էլ՝ ֆինանսական դժվարությունների հետ: Առայժմ այդ տեղեկատվությունը ճշտվում է:
Հիշեցնենք, որ տուժածներն իրենց ցուցմունքում նշել էին, որ նրանք այդ քայլին էին դիմել ֆինանսական խնդիրներ ունենալու պատճառով:
Կարդացեք նաև
Հիշեցնենք, որ դեպքը տեղի է ունեցել հունվարի 9-ին ժամը 23-ի սահմաններում` Կապանի «Լեռնագործ» հյուրանոցում: Հետո Կապանի բժշկական կենտրոնի շտապ օգնության կայանի աշխատակիցները քաջարանցի զույգին տեղափոխել էին հիվանդանոց` ծանր վիճակում, արյան մեծ կորստով եւ մարմնի տարբեր մասերում կտրտված վնասվածքներով: Այնտեղ էլ զույգին հարցաքննել էին իրավապահները:
Կապանի բժշկական կենտրոնի վնասվածքաբանական բաժանմունքից այսօր տեղեկացանք, որ ներկայումս նրանց վիճակը միջին ծանրության է, զույգի կյանքին վտանգ չի սպառնում:
Մերի ՍՈՂՈՄՈՆՅԱՆ
