ՕԷԿ պատգամավոր Հեղինե Բիշարյանը Aravot.am-ի հետ զրույցում մեկնաբանեց ՀԱԿ անդամ Լյուդմիլա Սարգսյանի տեսակետը, թե 4 տարվա լռությունից հետո ՕԷԿ-ը ոտքի է կանգնել ու հյութ բաժանելով նախապատրաստվում է ընտրություններին: «Քարոզարշավին դեռ ժամանակ կա, ՀԱԿ-ն է քարոզարշավ սկսել այս կամ այն կուսակցությանը քննադատելով: Նույն հաջողությամբ կարող եմ ասել, որ ՀԱԿ-ը սրան նրան քննադատելուց հետո՝ վերջում անելու է այն, ինչ կթելադրի ՀՀԿ-ը»: Տիկին Բիշարյանից հետաքրքրվեցինք՝ ինչպես է վերաբերում ընտրություններից առաջ որոշ կուսակցություների կողմից իրականացվող բարեգործական ծրագրերին, դա չի՞ խոչընդոտի իշխանությունների երազած արդար ընտրություններին. «Մի բան կասեմ՝ շատ ողջունելի է: Բոլոր կուսակցություններին խորհուրդ կտամ, որ ընտրության օրերին, երբ արդար ընտրություններ ապահովելու պահը գա՝ ձիգ կանգնեն, ու արդարությունը պահեն, ոչ թե հիմա սրան նրան քննադատելով զբաղվեն»:
Արփինե ՍԻՄՈՆՅԱՆ
