ԵԽԽՎ Հայաստանի հարցով համազեկուցողներ Ջոն Պրեսկոտը եւ Աքսել Ֆիշերը հունվարի 16-17-ը փաստահավաք այց են կատարելու Հայաստան: Այս մասին հաղորդում է ԵԽ մամուլի ծառայությունը, ըստ որի՝ նախատեսվում են հանդիպումներ ՀՀ նախագահ Սերժ Սարգսյանի, ԱԺ նախագահ Սամվել Նիկոյանի, ԱԳ նախարար Էդվարդ Նալբանդյանի, արդարադատության նախարար Հրայր Թովմասյանի, ԿԸՀ նախագահ Տիգրան Մուկուչյանի հետ:
Համազեկուցողները հանդիպելու են նաեւ կուսակցությունների եւ դատական իշխանությունների ներկայացուցիչների, ինչպես նաեւ հ/կ-ների եւ ԵԽԽՎ-ում Հայաստանի պատվիրակության հետ:
Քննարկումների առանցքում լինելու է ԵԽԽՎ 1837 բանաձեւը՝ 2008թ մարտի դեպքերի ընթացքում 10 զոհերի մահվան հանգամանքների հետաքննությունը, ոստիկանության դեմ բողոքների քննության անկախ մեխանիզմի ստեղծումը, ոստիկանության նկատմամբ քաղաքացիական վերահսկողությունը, ինչպես նաեւ 2012 խորհրդարանական ընտրություններին նախապատրաստությունը եւ դիտարկման գործընթացում այլ առաջնահերթությունները:
Կարդացեք նաև
