Այսպես արձագանքեց Հայաստանի դեմոկրատական կուսակցության նախագահ Արամ Սարգսյանը Հանրապետական պատգամավոր Ռազմիկ Զոհրաբյանի՝ երեկ մեր թերթում արտահայտած այն մտքին, որ մեծամասնական կարգով առաջադրվողների կարիքը մեր ժողովուրդը ունի, քանի որ վերջիններս տարբեր կարգի օգնություններ են տալիս մարդկանց: Արամ Գասպարիչը զավեշտ է համարում, որ իշխող՝ պետական ծրագիր իրականացնող կուսակցության ներկայացուցիչը նման մտքեր է արտահայտում: «Այսինքն՝ մենք առաջարկելով 100 տոկոսանոց համամասնական ընտրակարգ՝ փորձում ենք քաղաքական համակարգը կարգավորել, իսկ իշխող կուսակցության ներկայացուցիչն ասում է՝ չէ, ժողովուրդ, որպես պետություն մենք չենք կարող կատարել մեզ հատկացված գործառույթները, դրա համար թույլ ենք տվել, որ մեծամասնական կարգով ընտրվելով՝ օլիգարխները ստվերային փողերից «բարեգործություն» անեն: Սրանից մեծ խայտառակություն ես չգիտեմ»,- ասաց Արամ Սարգսյանը:
ՀԴԿ առաջնորդի այլ դիտարկումները՝ վաղվա համարում:
«Առավոտ» օրաթերթ
