Այսօր առավոտ հանրապետության տարածքում բոլոր միջպետական , հանրապետական ճանապարհներն ու լեռնանցքները երթևեկելի են, տեղեկացանք ՀՀ տրանսպորտի եւ կապի նախարարությունից:
Նախարարությունը միաժամանակ տեղեկացնում է, որ Սելիմի լեռնանցքում Սիսիանի եւ Ալավերդու տարածաշրջանների ճանապարհների որոշ հատվածներում առկա է մերկասառույց: Առատ ձյուն է տեղում Վայքում, Ջերմուկում եւ Մեղրիում: Ճանապարհների մաքրման աշխատանքները, սակայն շարունակվում են ամբողջ օրը:
Նախարարությունը հորդորում է վարորդներին երթևեկել միայն ձմեռային անվադողերով:
