«Մենք միշտ էլ ասել ենք, որ հարյուր տոկոսանոց համամասնականին մենք պետք է կամաց-կամաց գանք, ապագայում դա կլինի, բայց մեր պայմաններում դա հարմար չէ: Տեսեք, այժմ մեծամասնականով , գոնե այս փուլում, առաջադրվում են այսպես ասած՝ օլիգարխները կամ գործարարները, եւ մարդիկ նրանց ընտրում են: Քանի դեռ ժողովուրդը իր ձայնը տալիս է այդ անձանց, մեծամասնականը պետք է լինի: Բնականաբար, մտավորականը, կամ ինտելիգենտ մարդը չի կարող տանիք վերանորոգել, ծախսեր անել , գործարարը կարող է, այսինքն մեր հասարակությունը դեռեւս դրա կարիքը զգում է, եւ եթե մենք փակենք այդ լուսամուտը, շատ հնարավոր է, այլ բաներ լինեն: Իսկ այս դեպքում հասարակությունը կարծես օգնության կարիք է զգում եւ հենց մեծամասնականով ընտրվող բիզնեսմենները այդ օգնությունը տալիս են: Ես այդտեղ վատ բան չեմ տեսնում, կարելի է ասել, ընտրական, բարեգործական ինչ-որ պրոցես է (ծիծաղում է,Մ.Ե.)»,-«Առավոտի» հետ զրույցում պատասխանելով հարցին՝ ինչո՞ւ իշխանությունը չի ընդունում ընդդիմության առաջարկը՝ հարյուր տոկոսանոց համամասնական ընտրակարգի անցնելու եւ մեծամասնականը վերացնելու մասին, ասաց ԱԺ պատգամավոր, ՀՀԿ փոխնախագահ Ռազմիկ Զոհրաբյանը
Հարցազրույցը կարդացեք վաղվա տպագիր «Առավոտ»-ում
