Ամենամոլի երկրպագուները, թերեւս, ֆուտբոլասերներն են: Իսկ նրանց մեջ ամենաբարձրաձայնները` «Լիվերպուլի» ֆանատները, որոնք նույնիսկ 2004/2005 թվականին մտել են «Գինեսի ռեկորդների գիրք»: Այդ տարի, երբ սիրելի թիմի պաշտպաններից մեկը գոլ է խփել «Չելսիի» դարպասը՝ մարզադաշտում ֆուտբոլասերների բարձրացրած աղմուկի մակարդակը հասել է 130,7 դեցիբել: Դրանից առաջ «բարձրագույն նվաճումը» պատկանել է ԱՄՆ-ի «Դենվեր Բրոնքս» ակումբի ֆանատներին` 128 դբ:
Սակայն բացարձակ ռեկորդը, թերեւս, իտալական «Նապոլիի» տիֆոզիներինն է, որոնք ուրուգվայցի լեգեոներական Էդինսոն Կավանիի` «Մանչեսթեր Սիթիի» դարպասը խփած գոլն ամբողջ քաղաքում այնքան բարձր են նշել, որ սեյսմիկ ծառայություններն ընդերքի ցնցում են արձանագրել, ինչը համադրելի է եղել թեթեւ երկրաշարժի հետ:
Աշոտ ՀԱԿՈԲՅԱՆ
