«Այն,ինչ մարդիկ ապրում են տոներից հետո, կարելի է բնութագրել սթրես»,- այսօր «Ուրբաթ» ակումբում նման կարծիք հայտնեց հոգեբանական գիտությունների թեկնածու Կարինե Նալչաջյանը:
Նա որոշ դիտարկումներ արեց «Հետտոնական սթրեսներ» թեմայով: Նրա խոսքով, սթրեսները լինում են տարատեսակ՝ նախատոնական, տոնական եւ հետտոնական: Ըստ հոգեբանի, կան մարդիկ, ովքեր ձգտում են աշխատանքի գնալ եւ չեն սիրում տանը նստել: Նրանց ռիթմը փոխվում է ու դրանից հետո դժվարանում են հին առօրյային վերադառնալ: Խորհրդային տարիներին տոները տեւել են 2-3 օր, եւ այդպիսի տոնական վիճակից դուրս գալը հեշտ է եղել: Կարինե Նալչաջյանը խորհուրդ է տալիս՝ տոներից հետո աստիճանաբար վերադառնալ յուրաքանչյուրի համար հաճելի առօրյային:
Մասնագետն ասում է, որ սթրեսի կարող են հանգեցնել նաեւ պայթուցիկների «գմփոցները», որոնք հաճախ են հնչում մասնավորապես Ամանորի շրջանակներում: Դրանք ազդում են թե՛ երեխաների եւ թե՛ մեծերի վրա: Նալչաջյանի համոզմամբ, պայթուցիկները չարաշահվում են եւ պետք է սահմանափակվեն:
Տոնական ծախսերն էլ են նպաստում սթրեսի առաջացմանը. ծախսում ես մինչեւ վերջին կոպեկը, հետո կանգնում ֆինանսական խնդրի առաջ:
«Մենք ամեն քայլափոխի փոքրիկ սթրեսների ենք ենթարկվում»,- ասում է հոգեբանը:
Կարդացեք նաև
Արամ ԱՐԱՐԱՏՅԱՆ
