Հատված քաղաքական եւ ընտրական տեխնոլոգիաների փորձագետ Արմեն Բադալյանի հետ հարցազրույցից
– ՀԱԿ-ի դեպքում Լեւոն Զուրաբյանը հայտարարեց, որ համակիրների շարքերը կարող են լքել հուսահատվածները, հոգնածները, փոխարենը կարող են գալ թարմ ուժեր։ Այսինքն՝ գնալ–գալը նորմալ երեույթ Է, ե իրենք ընտրազանգված չեն կորցնում։
– Գնալ-գալը նորմալ եւեւույթ Է ցանկացած կուսակցության համար, բայց ընտրազանգվածի կորուստը եւ գնալ-գալն իրար հետ կապ չունեն։ Կարող են մարդիկ չգնալ, բայց դու ձեռք բերես ընտրազանգված և հակառակը։ Իսկ ես չէի ասի, թե ՀԱԿ-ն ընտրազանգված ձեռք բերեց։
Կարդացեք նաև
– Լավ, ՀՀԿ–ն էլ, ի դեմս Շարմազանովի, հայտարարեց, որ անցած տարում լավ են աշխատել ու գալիք ընտրություններում ֆավորիտ կուսակցություն են։
– Ցանկացած կուսակցություն էլ մամուլի ասուլիսում նշում է, որ շատ լավ են աշխատել։ Կուսակցության գործիչների հայտարարությունները դիտարկում ենք տվյալ կուսակցության PR կամպանիայի համատնքստում: Իսկ իրականությունը ցույց տվեց հակառակը՝ այնպես են աշխատել, որ Իջեւանում իրենց թեկնածուն պարտվեց։
– Արդեն որոշակի չափով հստակվել են դաշտի պատկերն ու միտումները։ Այդ որոշակիությունը կպահպանվի նաեւ ա՞յս տարի՝ հաշվի առնելով ընտրական պրոցեսները, թե՞ հնարավոր են անակնկալներ։
– Կարծում եմ՝ կպահպանվի, որովհետեւ քաղաքական դաշտում նշածս հինգ ուժերն են մնացել։ Ինչ վերաբերում Է մնացածներին՝ ՕԵԿ, «Ազատ դեմոկրատներ», Ժողկուս, Դեմկուս, Կոմկուս, ԱԺՄ եւ այլն, դրանք արդարադատության նախարարությունում գրանցված են, սակայն իրականում վիրտուալ կուսակցություններ են։ Դրանք իրական քաղաքական կյանքում զրո ազդեցություն ունեցող ուժեր են։ Ինչ վերաբերում է մոտակա չորս ամիսներին, խիստ կասկածում եմ, որ կարող են նոր ուժեր առաջանալ, եթե իհարկե, ֆորսմաժորային իրավիճակ չլինի:
Սոնա ՌԱՖԱՅԵԼՅԱՆ
«Հայացք»
