Եթե Քեթի Փերրին բան ունի ասելու՝ նա կարիքը չունի, որ ինչ որ մեկը դա ասի իր փոխարեն:
«Ինչ վերաբերում է բամբասանքներին՝ ուզում եմ հստակ լինի, որ ՈՉ ՈՔ չի կարող խոսել իմ փոխարեն: Ոչ մի բլոգ, ամսագիր, իմ ընտանիքին «մոտ աղբյուրներ» եւ այլն»,- շաբաթ օրը գրել է Twitter-ում երգչուհին, որի ամուսին Ռասել Բրանդը դեկտեմբերի 30-ին դիմել է ամուսնալուծության համար:
27-ամյա Փերրիի ուղերձը ոչ միայն Բրանդից իր բաժանման շուրջ ասեկոսեների մասին է, որի պատճառը նա նշել է անհաղթահարելի տարբերությունները: Նա նաեւ շնորհակալություն է հայտնել իր երկրպագուներին իրենց մտահոգությունների եւ բարեմաղթանքների համար՝ իր համար այս դժվարին պահին:
«Ես այնքան երախտապարտ եմ այն ողջ սիրո ու աջակցության համար, որ ստացել եմ տարբեր երկրների մարդկանցից,- գրել է նա Twitter-ում:- Դուք նորից երջանկությամբ լցրեցիք իմ սիրտը»:
Զույգն ամուսնացել էր Հնդկաստանում՝ 2010-ի հոկտեմբերին:
