Լուսանկարը՝ Day.Az –ից
Day.Az –ն այսօր հաղորդում է, թե նամակ է ստացել իր ընթերցողներից մեկից, որում նշված է, թե Google Earth-ը Բաքվում նշում է մի օբյեկտ, որի անվանումն է. «Ancient Armenian town, Baku in eastern Armenia, all Armenian aboriginal population was…», այսինքն՝ «Հին հայկական քաղաք Բաքու Արեւելյան Հայաստանում, որի հայ բնիկ բնակչությունը…»:
Day.Az-ը պարզաբանում է, որ Google Earth-ը հնարավորություն է ընձեռում իր գրանցված օգտատերերին նշել օբյեկտներ քաղաքներում, նկարագրել դրանք եւ անգամ տեղադրել զանազան հաստատությունների կամ գրասենյակների լուսանկարներ. «Այս հնարավորությունն օգտագործելով էլ Google ծառայության օգտատերերից մեկը նշել է այս գոյություն չունեցող օբյեկտ-ուրվականը Բաքվի տարածքում: Այս կապակցությամբ խնդրում ենք Day.Az-ի ընթերցողներին քաղաքացիական պատասխանատվություն հանդես բերել եւ ծանուցել ծառայության ադմինիստրատորներին Բաքվի տարածքում այս սխալի մասին»:
Կցված է նաեւ համապատասխան հրահանգ, թե ինչպես է պետք դա անել:
Կարդացեք նաև
