Այսօր` հունվարի 3-ին, ավտովթար է տեղի ունեցել Վայոց Ձորի մարզում:
Ինչպես «Առավոտին» հայտնում է ֆոտոլրագրող Գագիկ Շամշյանը, ժամը 00.30-ի սահմաններում, Եղեգնաձոր -Մեղրի միջպետական ավտոճանապարհի 117-րդ կմ-ի վրա իրար են բախվել 33-ամյա Գառնիկ Լևոնյանի վարած ՎԱԶ 21214 մակնիշի 30 ՕՕ 030 համարանիշի և 27-ամյա Հայկ Մեսրոպյանի վարած ՎԱԶ 2106 մակնիշի 18 ՕԼ 528 համարանիշի ավտոմեքենաները: Վթարի հետևանքով ՎԱԶ 2106-ի ուղևոր 22-ամյա Աշոտ Պետրոսյանը մարմնական վնասվածքներով տեղափոխվել է Եղեգնաձորի բժշկական կենտրոն: Փաստի առթիվ ոստիկանության Վայոց Ձորի մարզի քննչական բաժնում նյութեր են նախապատրաստվում:
