Առանց կոնկրետ ոլորտը նշելու՝ «Ա1+»-ի ղեկավար Մեսրոպ Մովսեսյանին խնդրեցինք գնահատել անցնող տարվա ձեռքբերումներն ու կորուստները. «Ոլորտը ընտրելու խնդիր չկա, որովհետեւ բոլորս էլ շիկացած եւ քաղաքականացված ենք, եւ քաղաքական ոլորտ է ստացվելու, եթե խոսենք անգամ տնտեսության մասին, ինչից էլ խոսենք, ստացվում է քաղաքականություն: Ես կարծում եմ՝ ձեռքբերումներից մեկն այն էր, որ ժողովուրդը վերջապես զարթնեց, ոչ թե ինքնաբուխ միտինգներով, այլ այժմ արդեն անգամ տանը նստած մտածում է՝ ինչ պետք է անի եւ ինչ ճանապարհ ընտրի: Սա անցնող տարվա համար ամենակարեւորն եմ համարում: Կորուստներից ամենացավալին համարում եմ Հայաստանի իմիջի կորուստը, եւ թե երբ կարող ենք այն վերականգնել՝ դեռ պարզ չէ»: Մեսրոպ Մովսեսյանի տարեմուտյան մաղթանքը կարճ է, ահա. «Մեր ժողովրդին ցանկանում եմ բարեկեցություն եւ սեր միմյանց հանդեպ, որովհետեւ հատկապես այս օրերին դա շատ է պակասում»:
«Առավոտ» օրաթերթ
