Թուրքիան չորեքշաբթի օրը զգուշացրել է, որ նոր գործողություններ կձեռնարկի պաշտոնական Փարիզի դեմ, եթե Ֆրանսիայի Սենատը ընդունի Հայոց ցեղասպանության ժխտման համար քրեական պատիժ սահմանող օրինագիծը։
Reuters լրատվական գործակալության փոխանցմամբ` նման հայտարարությամբ է հանդես եկել Թուրքիայի Ազգային անվտանգության խորհուրդը, հույս հայտնելով, թե Ֆրանսիայում «առողջ բանականությունը» կհաղթանակի, եւ պաշտոնական Փարիզը կհրաժարվի «իր սխալից»։
Թուրքիայի Ազգային անվտանգության խորհուրդը, որում ընդգրկված են նախագահ Աբդուլա Գյուլը, վարչապետ Ռեջեփ Էրդողանը, բարձրաստիճան գեներալներ եւ կառավարության անդամներ, չորեքշաբթի օրը շուրջ հինգ ժամ տեւած նիստի ավարտին հրապարակած հայտարարությունում նշել է նաեւ, թե ձեռնարկվելիք հավելյալ միջոցները կհրապարակվեն` «կախված Ֆրանսիայի քայլերից»։
«Եթե առաջարկը վերածվի օրենքի` կլինի այս անարդարացի նախաձեռնության դեմ առարկություն բոլոր եղանակներով», – ասված է Թուրքիայի Ազգային անվտանգության խորհրդի հայտարարությունում։
Կարդացեք նաև
«Ազատություն» ռադիոկայան
