Այսօր «Հայելի» ակումբում մի խումբ մտավորականների հարց է ուղղվել՝ ի՞նչ կանեին մեկ օրով ՀՀ նախագահ լինելու դեպքում: Ըստ մի քանի լրատվամիջոցների, ճանաչված դերասան Ազատ Գասպարյանն էլ ասել է , թե կպետականացներ ժողովրդից խլած բոլոր օբյեկտները եւ հետ կվերադարձներ Ռոբերտ Քոչարյանի տարած միլիարդները:
Aravot.m-ը Ազատ Գասպարյանին հարցրեց՝ հատկապես ո՞ւմ է նկատի ունեցել ժողովրդից խլված օբյեկտների ու միլիարդների մասին խոսելիս: Դերասանն ընդամենը նշեց. «Ասել եմ գրավված օբյեկտները… ասել եմ շունը խոտի դեզի վրա, ասել եմ՝ ոչ աշխատացնում են, ոչ էլ, դրանք բոլորը պետք է պետականացնել…»:
Խնդրեցինք մանրամասնել՝ որեւէ նախագահի կամ օլիգարխի անուն հնչեցրե՞լ է ասուլիսում: Ազատ Գասպարյանը կտրականապես հերքեց՝ ասելով. « Չէ, չէ, չէ… անուն չի եղել»:
Չնայած սրան, ԶԼՄ-ները փաստում են, որ պարոն Գասպարյանը հնչեցրել է Ռոբերտ Քոչարյանի անունը:
Կարդացեք նաև
Գոհար ՀԱԿՈԲՅԱՆ
Հ. Գ. «Առավոտի» կողմից հավելենք, որ ավելի ուշ լսելով այս ասուլիսի մասին «Ազատություն» ռադիոկայանի ռեպորտաժը՝ համոզվեցինք, որ լրատվամիջոցները ճշգրտորեն էին վերարտադրել պրն Գասպարյանի խոսքը, որը հետո փորձեց սրբագրել: Ապացույցը՝ տեսագրությունը եւ ձայնագրությունն են:1ba25431-297f-4d3b-8acf-6c019a4a900d
