Պաշտոնական Անկարան հայտարարում է, թե Ֆրանսիան աններելի սխալ է թույլ տվել` Ազգային ժողովում ընդունելով Հայոց ցեղասպանության ժխտումը քրեականացնող օրինագիծը:
Թուրքիայի նախագահ Աբդուլա Գյուլը թուրքական հեռուստատեսությանը տված հարցազրույցում Ֆրանսիայի նախագահ Նիկոլա Սարկոզիի քայլերը որակել է «անհավատալի», «մանր քաղաքական հաշվարկներ»` պայմանավորված Ֆրանսիայում ապրիլին անցկացվելիք նախագահական ընտրություններով:
Գյուլը ասել է, թե վրդովված է հատկապես այն փաստով, որ Ֆրանսիան մտադիր է պատժել այլ կերպ մտածողներին։
«Նույնիսկ պատմական գիտությունների պրոֆեսորը չի կարող ասել, որ դա է ճշմարտությունը», – Today’s Zaman-ի փոխանցմամբ` հայտարարել է Թուրքիայի նախագահը, հույս հայտնելով, թե Ֆրանսիան հետ կկանգնի իր «սխալներից»:
Կարդացեք նաև
Ազատություն Ռադիոկայան
