Կենտրոն եւ Նորք-Մարաշ համայնքների դատախազությունը հարուցել է քրեական գործ ՀՀ փաստաբանների պալատի անդամ, փաստաբան Արթուր Աթարբեկյանի նկատմամբ: Գործի վարույթը գտնվում է դատավոր Մնացական Մարտիրոսյանի վարույթում: Այսօր ժ.12-ին սկսվեց դատաքննությունը:
Արթուրը դատարան եկավ ընկճված եւ ահդ մասին բարձրաձայնեց, ասելով, թե ճնշումը բարձր է: Նրա պաշտպան, Փաստաբանական պալատի անդամ Վարդուհի Էլբակյանը դատական նիստից բացակայելու մասին դատարանին հասցրել էր տեղեկացնել:
Նշենք, որ ըստ մեղադրական եզրկացության, Ա.Աթարբեկյանին մեղադրանք է առաջադրվել այն բանի համար, որ նա խարդախությամբ ուրիշի գույքի առանձնապես խոշոր չափերի հափշտակություն կատարելու դիտավորությամբ չարաշահելով իր ընկեր Մուշեղ Գրիգորյանի վստահությունը, նրա որդի Վահագն Գրիգորյանի նկատմամբ, ՀՀ ոստիկանության քննչական գլխավոր վարչությունում քրեական գործով, մասը կրճատելու համար պաշտոնատար անձանց կաշառք տալու պատրվակով, խաբեությամբ Մ. Գրիգորյանից ստացել է 13 321 730 ՀՀ դրամին համարժեք 37 000 ԱՄՆ դոլար գումար եւ որեւէ գործողություն չկատարելով՝ հափշտակել է նշված գումարը:
Ռուզան ՄԻՆԱՍՅԱՆ
