Ինֆորմացիայի ազատության կենտրոնը ցուցակից 4-ին կհանդիպի դատարանում
1. ՀՀ արտակարգ իրավիճակների նախարարություն
Ինֆորմացիայի ազատության կենտրոնը 2011թ. հոկտեմբերի 19-ին փոստով գրավոր հարցում էր ուղարկել ՀՀ արտակարգ իրավիճակների նախարարությանը՝ խնդրելով տրամադրել տեղեկություններ 2010թ.-ին նախարարության կողմից գաղտնազերծված փաստաթղթերի մասին: Սա կրկնակի հարցում էր, քանի որ նախարարությունը չէր պատասխանել ԻԱԿ-ի 29.03.2011
թ. հարցմանը՝ գաղտնազերծված փաստաթղթերի վերաբերյալ: Այս կրկնակի հարցումը նույնպես մնացել է անպատասխան:
Կարդացեք նաև
2. «Համալսարանականներ» համատիրություն
Ինֆորմացիայի ազատության կենտրոնը 2011թ. օգոստոսի 6-ին գրավոր հարցմամբ դիմել է «Համալսարանականներ» համատիրությանը՝ խնդրելով տեղեկություններ Ծարավ Աղբյուրի 55/5 շենքի սպասարկման վերաբերյալ, ինչպես նաեւ խնդրելով համատիրության կանոնադրության պատճենը: ԻԱԿ-ի հարցումը մնացել է անպատասխան:
3. «Եռյակ» համատիրություն
ԻԱԿ-ը 2011թ. օգոստոսի 6-ին փոստով ուղարկված գրավոր հարցմամբ «Եռյակ» համատիրությունից տեղեկություններ էր խնդրել համատիրության գործունեության վերաբերյալ: Համատիրությունը ԻԱԿ-ի հարցումը թողել է անպատասխան:
4. «Հ եւ Հ» համատիրություն
ԻԱԿ-ը 2011թ. օգոստոսի 6-ին փոստով գրավոր հարցում էր ուղարկել «Հ եւ Հ» համատիրությանը՝ խնդրելով տեղեկություններ համատիրության գործունեության վերաբերյալ: Համատիրությունը ԻԱԿ-ի հարցումը թողել է անպատասխան:
5. «Ավան» համատիրություն
Ինֆորմացիայի ազատության կենտրոնը 2011թ. օգոստոսի 6-ին փոստով ուղարկված գրավոր հարցմամբ դիմել է «Ավան» համատիրությանը եւ խնդրել տեղեկություններ համատիրության գործունեության վերաբերյալ: Համատիրությունը ԻԱԿ-ի հարցմանը չի պատասխանել:
6. Այգեձորի գյուղապետարան
ԻԱԿ-ը 2011թ. մայիսի 10-ին դիմել էր Այգեձորի գյուղապետարանին եւ խնդրել էր տրամադրել Այգեձորի ավագանու 2011թ. նիստերի արձանագրությունների պատճենները: Գյուղապետարանը ԻԱԿ-ի հարցումը թողել էր անպատասխան: 2011թ. սեպտեմբերի 14-ին ԻԱԿ-ը կրկնակի հարցմամբ նորից դիմեց գյուղապետարանին՝ խնդրելով տրամադրել վերոնշյալ տեղեկությունները: Սակայն ԻԱԿ-ի կրկնակի հարցումը նույնպես մնացել է անպատասխան:
7. «Աշտարակ կաթ» ՓԲԸ
Ինֆորմացիայի ազատության կենտրոնը 07.11.2011թ. դիմել էր «Աշտարակ կաթ» ՓԲԸ-ին՝ խնդրելով տրամադրել տեղեկություններ կազմակերպության արտադրանքի վերաբերյալ: Սակայն ԻԱԿ-ի հարցումը մնացել է անպատասխան:
8. «Դուստր Մարիաննա» ՍՊԸ
Ինֆորմացիայի ազատության կենտրոնը 18.11.2011թ. դիմել էր «Դուստր Մարիաննա» ՍՊԸ-ին՝ խնդրելով տրամադրել տեղեկություններ կազմակերպության արտադրանքի վերաբերյալ: Առաջին հարցումը կազմակերպությունը թողել է անպատասխան։ ԻԱԿ-ը ուղարկել է կրկնակի հարցում, որին ՍՊԸ-ն ժամկետների խախտմամբ տրամադրել է թերի եւ անհիմն պատասխան:
«Առավոտի» տեղեկություններով, նշյալ ցուցակայիններից 4-ին՝ ՀՀ արտակարգ իրավիճակների նախարարությանը, «Համալսարանականներ», «Աշտարակ կաթ» ՓԲԸ-ին, «Դուստր Մարիաննա» ՍՊԸ-ին Ինֆորմացիայի ազատության կենտրոնը կհանդիպի դատական ատյաններում: Ինֆորմացիա չտրամադրելու համար կազմակերպությունը հայցերով դիմել էր դատարաններ:
ՌՈՒԶԱՆ ՄԻՆԱՍՅԱՆ
«Առավոտ» օրաթերթ
