«Առավոտն» ամեն օր ստանում է շնորհավորական բացիկներ Ամանորի հետ կապված: Քիչ առաջ Լոռու մարզի ընդհանուր իրավասության դատարանից ստացանք հերթական «շնորհավորական» բացիկը:
Հունվարի 9-ին , ժ.12-ին նշանակվել է Լեռնապատ գյուղի գյուղապետ Վանո Եղիազարյանի հայցի քննությունն ընդդեմ Ֆահրադ Ոսկանյանի: Երրորդ անձ է ճանաչվել «Առավոտ» օրաթերթը:
Լեռնապատ գյուղի գյուղապետը վիճարկում է լրագրող Արփինե Սիմոնյանի «Ով ում է զրպարտում» հրապարակումը; Գյուղապետը պահանջում է հերքել գյուղապետի հասցեին արված զրպարտչական արտահայտությունները, վճարել 1 000 000 դրամի չափով փոխհատուցում::
Գյուղապետը զրպարտչական արտահայտություն է դիտել հետեւյալը. «Իմ 20 տոննա խոտը վառել տվեց: Մեր գյուղապետարանը դարձել է ԿԳԲ: Իրավունք չունենք ներս մտնենք ու մեր ուզած տեղեկատվությունը ստանանք»: Նա նաեւ դժգոհեց , որ գյուղապետը, հաշվի չառնելով իրենց անապահով վիճակը, խաբեությամբ 40 000 դրամ է պահանջել գյուղում գազիֆիկացման աշխատանքները սկսելու համար .«3,8 մլն դրամ հավաքեց համայնքից ու դրեց իր գրպանը: Էդ փողերը նպատակին չեն ծառայել: Կան մարդիկ, ովքեր վճարել են գազիֆիկացման համար, բայց մինչ հիմա գազ չունեն»:
Կարդացեք նաև
Ռուզան ՄԻՆԱՍՅԱՆ
