Երևանի քաղաքապետարանում տեղի ունեցած հերթական աշխատանքային խորհրդակցության ժամանակ քաղաքապետ Տարոն Մարգարյանը քաղաքապետարանի ենթակայության համապատասխան կառույցներին հանձնարարականներ է տրվել ամանորյա տոնական օրերին աշխատանքները պատշաճ կազմակերպելու և, անհրաժեշտության դեպքում, արագ արձագանքելու ուղղությամբ։
Տրանսպորտի վարչության պետը զեկուցել է, որ , համաձայն քաղաքապետի հանձնարարականի, տոնական օրերին մայրաքաղաքի հասարակական տրանսպորտի աշխատանքը պատշաճ կազմակերպելու նպատակով սպասարկող ընկերությունների ղեկավարների հետ անցկացված աշխատանքային խորհրդակցություն ժամանակ տրվել են համապատասխան հանձնարարականեր, կազմվել է հստակ ժամանակացույց, սահմանվել է հերթապահություն։
Հանձնարարվել է շարունակել հետևողական վերահսկողությունը մայրաքաղաքում բացօթյա առևտուրը կանոնակարգելու ուղղությամբ։
Տոնական օրերին մայրաքաղաքի փողոցների անցանելիությունն ու մայթերի մաքրությունն ապահովելու նպատակով՝ կոմունալ տնտեսության վարչությանն ու վարչական շրջաններին հանձնարարվել է լրացնել աղի և ավազի պաշարները և ապահովել համապատասխան մեքենամեխանիզմների անխափան աշխատանքը։ Այս, ինչպես նաև տոնական օրերին սանիտարական մաքրման աշխատանքների ընթացքը վերահսկելու նպատակով օպերատիվ շտաբին հանձնարարվել է աշխատել շուրջօրյա աշխատանքային ժամանակացույցով։
Վարչական շրջանների ղեկավարներին հանձնարարվել է վերստուգել բազմաբնակարան շենքերում վերելակային տնտեսության վիճակն ու սպասարկող ընկերություններին հանձնարարել պատրաստ լինելու՝ հնարավոր խափանումներն արագ վերացնելուն։
Կարդացեք նաև
Տոնական օրերին բնակչության սպասարկումն անխափան իրականացնելու նպատակով՝ Երևանի քաղաքապետ Տարոն Մարգարյանը համապատասխան հանձնարարականներ է տվել «Երևանջուր», «Երևանգազ» և «Հայաստանի էլեկտրական ցանցեր» ընկերություններին, Արտակարգ իրավիճակների Երևան քաղաքի վարչությանը, ինչպես նաև շտապ բուժօգնության ծառայություններին։
Վերահսկողության վարչության պետը զեկուցել է , որ մայրաքաղաքի նախադպրոցական ուսումնական հաստատություններում երեխաներին հատկացվող սննդի որակն ստուգելու նպատակով՝ քաղաքապետի հանձնարարությամբ շարունակվում են անակնկալ ստուգայցերը մայրաքաղաքի նախադպրոցական ուսումնական հաստատություններ և հայտնաբերված խախտումների վերաբերյալ կազմված արձանագրություններին համապատասխան ընթացք է տրվել։
Բնապահպանության վարչության պետը զեկուցելով, որ ամբողջությամբ ավարտվել են կանաչապատման գծով 2011թ. քաղաքային ծրագրերով նախատեսված աշխատանքները, ներկայացրել է ոլորտում 2012թ.–ին նախատեսվող աշխատանքների հիմնական ուղղությունները։
Ըստ Երևանի քաղաքապետարանի տեղեկատվության և հասարակայնության հետ կապերի վարչության հաղորդագրության
