Ընդամենը մի քանի օր առաջ ստեղծվել է Արեւմտահայոց ազգային խորհուրդ, որը կպայքարի ոչ միայն Ցեղասպանության ճանաչման, այլեւ պահանջատեր լինելու ու գրավյալ հողերը հետ բերելու համար: Այսօր այս մասին «Արմատ» ակումբում հայտնեց քաղաքական գիտությունների դոկտոր Լեւոն Շիրինյանը:
Ըստ նրա, խորհուրդը ստեղծվել է արեւմտահայերի երրորդ համագումարի ընթացքում, որին մասնակցել են արեւմտահայերի 100 ժառանգներ՝ աշխարհի տարբեր երկրներից: «Կազմակերպությունը կգրանցվի Ֆրանսիայում, սակայն գրասենյակներ կունենա Հայաստանում եւ այլ երկրներում: Համագումարի հայաստանյան մասնակիցները ներկայացված են եղել հայրենակցական միությունների կողմից»,- նշեց քաղաքագետը:
Նրա խոսքերով, իրենք նպատակ են դրել հետամուտ լինել հայկական հարցի լուծմանը, ավելի թափանցիկ աշխատել՝ նպաստելով Հայաստանում ժողովրդավարության հաստատմանը:
Այն հարցին՝ համագործակցելո՞ւ են արդյոք սփյուռքի նախարարության հետ, պարոն Շիրինյանը պատասխանեց, որ նրանցից ոչ մի ակնկալիք չունեն, եթե ունենային էլ, դարձյալ որեւէ առաջնթացի չեն կարող հասնել:
Կարդացեք նաև
Ֆրանսիայի կողմից Հայոց ցեղասպանության ժխտումը քերականացնող օրինագծի մասին էլ՝ դիտեք տեսանյութում:
Անուշ ԽԵՉՈՅԱՆ
