Բլոգեր noni-no-ն «у нас произошло утро» մեջբերումն անելով՝ գրում է. «Մի խաղ կար մի ժամանակ՝ «կարմիր, թե՞ սև», ու չնայած ես մաֆիա խաղն ատում եմ, նայում էի հետաքրքրությամբ: Բնականաբար հայերեն էր, վարողն էլ բավականին հաջող էր: Իհարկե բոլոր խաղացողները չէին, որ ի վիճակի էին մարդավարի հայերեն շփվել, բայց դե յոլա…
Հիմա պատահաբար էդ խաղը տեսանք «Արմենիա թիվի»-ով: Չգիտես ինչի վարում է ամենակարողխաչիկը Ռուբիկը ռուսերենով: Խաղում են ռուսական կրթությամբ և միայն հայեր, նրանց բոլորին միավորում է լիքը սխալներով ու ահավոր հայերեն ակցենտով ռուսերեն խոսքը:
Նստած գլուխ ենք ջարդում՝ իմաստը որն է խաչիկության ռուսերեն խոսելու վրա էսքան տանջվելու»:
Նույն հարցն է տվել նաեւ բլոգեր palomira–ն. «Իրոք, ի՞նչ իմաստ ունի հայերով նստեն ու զոռով, տանջվելով ռուսերեն խաղան: Հանուն ինչի՞»:
Բլոգեր manushak–ն այլ ոլորտից է օրինակ բերել. «Վերջերս տարբեր տեղերում ահավոր, սակայն ռուսերենով խոսելը ինչ-որ մոդա ա դարձել: Օրերս էլ ռեստորանում հաղորդավարուհին խոսոում-խոսում էր իր համար հայերեն, վռոդԻ նորմալ էր ամեն ինչ, մեկ էլ հայտարարեց ծնողների կենացն այսպես՝ «Դե եկեք բաժակներ բարձրացնենք за матерински любови»: Այսպիսի կարկանդակներ»:
Կարդացեք նաև
