Anonymus անունը կրող հակերների խումբը նվիրատվություն է կատարել՝ օգտագործելով կրեդիտ քարտերի տվյալներ, որոնք պատկանել են Stratfor ընկերության հաճախորդներին: Տեղեկացանք gazeta.ru –ից:
Հակերները կոտրել են Stratfor վերլուծական-հետազոտական ընկերության կայքը, գողացել հաճախորդների ամբոջական ցուցակն ու բանկային քարտերի տեղեկությունները, որից հետո մի շարք նվիրատվություններ են կատարել տարբեր բարեգործական կազմակերպությունների: Այս մասին տեղեկացնում է Digital Trends-ը: Ընդհանուր առմամբ գողացվել է 200 գեգաբայթ տվյալներ:
The Telegraph թերթի հաղորդմամբ` հակերները շարունակելու են Սուրբ Ծննդյան տոնի առթիվ բարեգուրծություններ կատարել` ներդնելով ավելի քան 1մլն $ :
Հակերների հարձակման զոհերից մեկը` Ալլեն Բառռը հայտնել է, որ իր հաշվից առանց իր իմացության 700$ է հանվել և ուղղարկվել «Կարմիր խաչ» և «Փրկենք երեխաներին» բարեգործական կազմակերպություններին:
Stratfor ընկերության ներկայացուցիչների խոսքերով՝ նրանք ձեռնարկում են բոլոր անհրաժեշտ միջոցները այս խնդիրը լուծելու համար:
Պատրաստեց՝ Լիլիթ Սեդրակյանը
