ՄԱԿ-ի Գլխավոր ասամբլեան որոշել է եկող երկու տարիների ընթացքում 5 տոկոսով կրճատել տարեկան իր բյուջեն, ինչն անցած 5Օ տարիների ընթացքում այստեղ կրճատումներ իրականացնելու երկրորդ դեպքն է։
ՄԱԿ-ի տարեկան բյուջեն ներկա 5 մլրդ. 41Օ միլիոն դոլարից եկող երկու տարիներին կիջնի 5 մլրդ. 15Օ միլիոնի։
Գլխավոր քարտուղար Բան Կի-մունը ողջունել է Գլխավոր ասամբլեայի այս քայլը՝ հայտարարելով, թե «Այսօր ամենուր են կառավարություններն ու մարդիկ կանգնած ֆինանսական խնդիրների առջեւ»: Նրա խոսքերով, միջազգային այս կառույցն ամեն ինչ կանի կրճատված բյուջեով իր առաքելությունը լիակատար իրականացնելու համար։
Ֆինանսական խնդիրների պատճառով կրճատումներ կատարելու կոչով Գլխավոր ասամբլեային էր նախապես դիմել Բան Կի-մունը ու հորդորել նախ եւ առաջ խնայղություններ կատարել` ճամբորդական ծախսերը կրճատելով:
Արամ ՎԱՆԵՑՅԱՆ
Կարդացեք նաև
«Ամերիկայի ձայն»
