«ՀՀ-ում կայանալիք առաջիկա ընտրություններում չի բացառվում, որ Իրանն այս անգամ ինչ-որ դիրքորոշում հայտնի, չնայած միշտ լռել է»,- «Առավոտի» հարցին՝ Ֆրանսիայի ընդունած որոշումը, ԻԻՀ նախագահի անակնկալ այցը՝ ընթացող աշխարհաքաղաքական զարգացումների համատեքստում, ի՞նչ ազդեցություն կարող են թողնել Հայաստանի ներքաղաքական կյանքում, պատասխանեց ՆԺԿ նախագահ Արամ Կարապետյանը: «Իրենց ունեցած ներքաղաքական լոբբինգի հնարավորություննե՞րը կօգտագործեն, արտաքին քաղաքական խնդիրնե՞րը կօգտագործեն, եւս մեկ անգամ Ռոբերտ Քոչարյանին իրենց մո՞տ կկանչեն, թե՞ այլ ուժերի հետ մերձեցման փորձեր կանեն՝ դժվարանում եմ ասել, բայց ինչ-որ բան կփորձեն ցույց տալ»,- հավելեց Ա. Կարապետյանը:
«Առավոտ» օրաթերթ
