Այսօր` ժամը 14:00-ին, Հայաստանում Ռուսաստանի Դաշնության դեսպանության առջև տեղի կունենա բողոքի ցույց` ընդդեմ ընտրակեղծիքների և «գողերի և ավազակների» կուսակցությունների:
Նշենք, որ նույն օրը ու նույն ժամին աշխարհի տարբեր քաղաքներում և Ռուսաստանի բոլոր մեծ քաղաքներում տեղի են ունենալու նմանատիպ ցույցեր:
Բողոքի ցույցին կմասնակցեն և ՀՀ, և ՌԴ քաղաքացիներ: Ցույցի սահմաններում մասնակիցները բեմականացված ներկայացմամբ կցուցադրեն, թե ինչպես են սովորաբար ընթանում «ընտրությունները» ոչ ժողովրդավարական երկրներում: Այս մասին Aravot.am-ին տեղեկացնում են նախաձեռնող խմբից:
Հիշեցնենք, որ նմանատիպ ակցիա էր կազմակերպվել դեկտեմբերի 10-ին` Մարդու իրավուքների պաշտպանության օրը, որի ժամանակ ԱԱԾ եւ Հայաստանի ոստիկանության աշխատակիցներն արգելել էին լրագրողներին եւ պիկետի մասնակիցներին կանգնել դեսպանատան տարածքում եւ ոստիկանանական ուժերի միջոցով ստիպել էին իջնել դեպի Երեւանի քաղաքապետարան: Չնայած արգելքներին, պիկետը կայացել էր Զաքյան փողոցի խաչմերուկում:
