Այսօր Աշխատանքի եւ սոցիալական հարցերի նախարարությունը պարգեւատրեց բիզնես ոլորտի 10 ներկայացուցչի: Այդ ընկերություններն,
ըստ Աշխատանքի եւ սոցիալական հարցերի նախարարի առաջին տեղակալ Արայիկ Պետրոսյանի, «ամենա-ամենա լավն են» աշխատել:Պատվոգիր ստացած ընկերությունների թվում էին «Գրանդ Քենդին», «Արմենիան Մոլիբդեն Փորդաքշըն»-ը, «Յունիսոնը» եւ այլ ընկերություններ, որոնք տեղեկատվական տեխնոլոգիաների, քիմիական արդյունաբերության, ալկոհոլային խմիչքների արտադրության ոլորտներից էին:
Պատվոգրերը հանձնող Հայաստանի գործատուների հանրապետական միության նախագահ Գագիկ Մակարյանը նշեց, որ նման պատվոգիր ստանալու առումով այս ընկերությունները առաջին ծիծեռնակներն են:
Aravot.am-ի հարցին, թե ինչ չափորոշիչներով են ընտրվել լավագույն ընկերությունները, Գագիկ Մակարյանը պատասխանեց. «Մենք ընտրել ենք այն ընկերությունները, որտեղ դժբախտ դեպքերը քիչ են եղել: Բացի այդ, մեր փորձագետներն այցելել են եւ տեղում ծանոթացել այդ ընկերությունների աշխատանքային պայմաններին. ունեն պոլիկլինիկաներ, գործարանի մաքրությունը, աղմուկի չափը, հոտը եւ այլն: Հաշվի ենք առել նաեւ աշխատանքային պայմանագրերի եւ աշխատանքային օրենսգրքի պահանջների համապատասխանությունը»:
Կարդացեք նաև
Անուշ ԽԵՉՈՅԱՆ
