ՀՀ տրանսպորտի եւ կապի նախարարության տվյալներով, երեկ երեկոյից տեղացող ձյունը շարունակվում է Գյումրիում, Աշոցքում, Սեւանում, Ապարանում: Հանրապետությունում արեւ չկա, ամենուր ամպամած եղանակ է: «Չնայած ամբողջ հանրապետությունում գիշերը տեղացած առատ ձյանը, բոլոր միջպետական , հանրապետական ճանապարհներն ու լեռնանցքները բաց են երթևեկության համար: Ճանապարհների մաքրման աշխատանքները շարունակվում են նաեւ հիմա»,- տեղեկացնում են նախարարությունից:
Փակ ճանապարհներ չկան, սակայն մառախլապատ են Գյումրի-Սպիտակ, Աբովյան-Հրազդան ճանապարհները, Ջերմուկն ու նրա մատույցները:
