Հանրապետության նախագահը խորհրդակցություն է հրավիրում ու ի լուր բոլորի հայտարարում, որ չնայած անձամբ իր վերահսկողության տակ է առել դատաիրավական համակարգի բարեփոխման գործընթացը, տրվել են հստակ հանձնարարականներ, ներկայացվել առաջարկություններ, սակայն որեւէ արդյունք չի արձանագրվել։ Այլ կերպ ասած՝ իրավասու պաշտոնատար անձինք մի ամբողջ տարի տապալել են գործընթացը եւ, չնայած դրան, շարունակում են պաշտոնավարել։ Հարց է առաջանում՝ արդյո՞ք այս պաշտոնյաներն են պատասխանատու անգործության ու տեղում դոփելու համար, թե՞ նախագահը, որը հանդուրժում է ստեղծված իրավիճակը։ Ցանկացած նորմալ երկրում նման հայտարարությունից հետո կամ առաջ պաշտոնանկությունների շքերթ պետք է սկսվեր։
«Երկիր»
