Լուսանկարը՝ ՀԺ-ից
Նախօրեին լրագրողներից մեկը ՀԱԿ համակարգող Լեւոն Զուրաբյանի հրավիրած ասուլիսի ժամանակ հետաքրքրվել էր, թե ինչո՞ւ ժամանակին ՀԱԿ-ը գնահատական չտվեց Արարատ Զուրաբյանի՝ ՀՀՇ-ից հեռանալուն: Ի պատասխան ՀԱԿ ներկայացուցիչն ասել էր, թե ինքն այդ հարցը կմեկնաբանի, եթե լրագրողները Արարատ Զուրաբյանից ստանան իր երեք հետեւյալ հարցերի պատասխանները՝ ինչո՞ւ է Արարատ Զուրաբյանն այն միակ քաղբանտարկյալը, որն ազատ է արձակվել Սամվել Նիկոյանի հանձնաժողովի միջնորդությամբ, եւ եթե դա այդպես է, ինչո՞ւ է դա գաղտնի պահվել, եւ մենք դա իմացել ենք Վիքիլիքսի շնորհիվ: Ինչո՞ւ է Արարատ Զուրաբյանը միակ քաղբանտարկյալը, որը Եվրոպական դատարան չի դիմել:
«Առավոտը» փորձեց ՀՀՇ վարչության նախկին նախագահ, իսկ այսօր «Ազատ դեմոկրատներ» կուսակցության ներկայացուցիչ Արարատ Զուրաբյանից ստանալ ՀԱԿ համակարգողի հնչեցրած հարցերի պատասխանը: Վերջինս ասաց. «Ձեր հարցադրումն ինձ համար անակնկալ է: Ես տեղյակ չէի, որ ինձ հետ կապված նման հարցադրումներ են առաջացել, որովոհետեւ «ՀԺ» չեմ կարդում: Իսկ ձեր առաջադրած հարցերին առաջիկայում ես անպայման կանդրադառնամ»:
Նաիրա ՄԱՄԻԿՈՆՅԱՆ
