ԿԸՀ-ում նախկինում «Ժառանգության» ներկայացուցիչ Զոյա Թադեւոսյանը «Առավոտի» հետ զրույցում արձանագրեց, թե՝ նախորդ տարիների փորձը ցույց է տալիս, որ իշխանությունները միշտ եւ շատ են հակված ընտրակեղծիքների, իսկ քաղաքական ուժերի լայն համագործակցության դեպքում այդ կեղծիքը հնարավոր է կանխել: «Ավելին, նոր ընդունված ԸՕ-ն ստեղծել է ընտրություններն աննկատ կեղծելու մեխանիզմներ, իսկ այդ կեղծիքները փաստող հանձնաժողովի անդամներ այդ օրենսգրքով այլեւս չկան: Նրանք բոլորն էլ հիմա միաձայն հաստատելու են կեղծված արձանագրություններն ու ազդարարեն դրանք արդար անցկացված լինելու մասին»,- նկատեց ընդդիմադիր գործիչը՝ հավելելով, որ ԸՕ-ում կատարվելիք փոփոխությունների այն հիմնական պահանջները՝ մատների թանաքոտում, ընտրացուցակների մաքրում, տեղամասերում տեսախցիկների տեղադրում եւ այլն, որոնք ՀԱԿ-ը դնում է՝ պետք է ընդունելի լինեն ցանկացած ուժի համար:
«Առավոտ» օրաթերթ
Կարդացեք նաև
